Older Pythagoreans II: Petron

Older Pythagoreans II : Petron- A: Quoted in Ancient Sources

16[6]. PETRON
PLUT. de defect. or. 22 p. 422 B [I 106. 10 App.] τρεῖς καὶ ὀγδοήκοντα καὶ ἑκατὸν εἶναι [n. κόσμους] συντεταγμένους κατὰ σχῆμα τριγωνοειδές, οὗ πλευρὰν ἑκάστην ἑξήκοντα κόσμους ἔχειν. τριῶν δὲ τῶν λοιπῶν ἕκαστον ἱδρῦσθαι κατὰ γωνίαν, ἅπτεσθαι δὲ τοὺς ἐφεξῆς ἀλλήλων ἀτρέμα περιιόντας ὥσπερ ἐν χορείαι. PLUT. de defect. or. 23 p. 422 D ἐλέγχει δ' αὐτὸν ὁ τῶν κόσμων ἀριθμὸς οὐκ ὢν Αἰγύπτιος οὐδὲ Ἰνδὸς ἀλλὰ Δωριεὺς ἀπὸ [I 106. 15 App.] Σικελίας, ἀνδρὸς Ἱμεραίου τοὔνομα Πέτρωνος˙ αὐτοῦ μὲν ἐκείνου βιβλίδιον οὐκ ἀνέγνων οὐδὲ οἶδα διασωιζόμενον, Ἵππυς δὲ ὁ Ῥηγῖνος, οὗ μέμνηται Φανίας ὁ Ἐρέσιος [fr. 22 F.H.G. II 300], ἱστορεῖ δόξαν εἶναι ταύτην Πέτρωνος καὶ λόγον, ὡς ἑκατὸν καὶ ὀγδοήκοντα καὶ τρεῖς κόσμους ὄντας, ἁπτομένους δ' ἀλλήλων κατὰ στοιχεῖον, ὅ τι δὲ τοῦτ' ἔστι τὸ "κατὰ στοιχεῖον ἅπτεσθαι", μὴ προσδιασαφῶν [I 106. 20] μηδ' ἄλλην τινὰ πιθανότητα προσάπτων.

Older Pythagoreans II - B: Extant Original Fragments

(English)

(none)